संस्थागत विद्यालय संघ नेपाल इसान) को आयोजन तथा लिशा इड्डलिस सेकेण्डरी स्कूलको संयोजनमा इसान आवद्ध विद्यालयका विद्यार्थीहरुबीच जिल्लास्तरीय एकल गायन प्रतियोगिता हालै सम्पन्न भयो ।
उक्त कार्यक्रममा इसानका केन्द्रीय अध्यक्ष श्री प्रेमजन थापा श्रेष्ठले राम्रो प्रशिक्षकले कलालाई निखार्ने बताउनु भयो । संगीत एक किसिमको उपचार र राम्रो औषधीको रुपमा मद्दत गर्दछ भन्नु भयो ।
कार्यक्रममा आफ्नो मन्तव्य राख्नु हुदै इसानका जिल्ला अध्यक्ष कृष्ण राम त्वानाबासुले इसानले विद्यार्थीहरुलाई विभिन्न कार्यक्रम आयोजन गर्दै विद्यार्थीहरुलाई आफ्नो कला प्रदर्शनी गर्ने मौका दि“दै आएको जानकारी गराउनु भयो र यस्ता कार्यक्रमहरु गर्दै जाने र थप हौसला मिल्दै जानेछ जानकारी गराउनु भयो ।
लिशा ई. से. स्कूलका प्रिन्सिपल लिशा प्रजापतिको सभापतित्वमा भएको उक्त कार्यक्रमले नया“ अवसरका साथै नया“ अनुभव भएको र कार्यक्रम सफल बनाउन सहयोगी सम्पूर्णमा धन्यवाद दिनु भएको थियो । साथै इसान तालिम संयोजक श्री कर्ण बहादुर प्रजापतिले पनि आफ्नो मन्तव्य व्यक्त गर्नु भएको थियो ।
प्रतियोगितामा नियम वाचन निर्णायक सुरज कपालीले गर्नु भएको थियो । गायक, लेखक एवं रचनाकार निर्णायक राजकुमार मानन्धर विद्यार्थीहरुको बलियो पक्ष र सुधार पक्षमा विशेष ध्यानाकार्षण गराउनु भयो साथै निर्णायक सरोज के. सी.ले पनि आफ्नो मन्तव्य दिनु भएको थियो ।
प्रतियोगितामा प्रभात इङ्लिस सेकेण्डरी स्कूलका छात्रा टेरेशा विश्वकर्मा प्रथम, सूर्यदीप सेकेण्डरी स्कूलका छात्र सक्षम नेपाल छात्र द्वितीय र हिमालयन ग्लोरी इङ्लिस सेकेण्डरी स्कूलका छात्रा रेन्चेन लामा तृतीय भएका थिए ।